我最理想嘅戀愛模式，只係好簡單，只係屬於我哋兩個！其實，我一向做人做事，都盡量做到可以簡簡單單，我唔鍾意將兩個人之間嘅事情複雜化！但係... ...一旦有人違背咗我呢個原則，我就會好亂！女人可能多數都會好多嘢唸，疑心好重！
最近你呢個前度又再出現係我同你之間，令到我覺得我同你嘅相處變得唔舒服，最重要嘅係，其實我見到你嘅改變，你叫我唔好喊，你應承我好多嘢，但我依然都係覺得若有所失，或者，我失去嘅正正就係一份信心，甚至我唔知道，我應該用邊一種態度嚟到面對你！我有唸過提出分手，因爲，我要嘅只係好簡單嘅兩個人相處，而因爲多咗呢一個人係我哋中間搞事而令到我好想放棄呢段感情！你知道，我亦都深信自己唔想再重蹈復撤番過往錯到番唔到轉頭嘅生活！特然之間，我覺得對住你我好陌生，仿佛你嘅生活入面我只係擔當一個好渺小嘅角色，我覺得我忽然好似好唔了解你！講唔出咩原因，我記得我講過，我唔要再過番以前甘盲目嘅日子，與其要我蒙蔽自己雙眼去服從所有嘢，我寧願我親手將其幻滅！
